Hulefai rashidinët te Shiat

Këta janë dymbëdhjetë Imamët e pasardhësve të pastër të Pejgamberit, përkatësisht: Komandanti i besimtarëve, Imami i të devotshmëve, i pari i muslimanëve, prijësi i madh i besimit, Luani i Allahut që fiton, Ali ibn Ebi Talibi, paqja e Allahatu qoftë me të!, Porta e qytetit të dijes, i cili mahniti arsyen, i la zemrat pa frymë dhe i ndriçoi ato, që sikur të mos ishte ai pas të Dërguarit të Zotit, s.a.v.a., Islami nuk do forcohej.

I dyti është Imam Ebu Muhamed Hasan ibn Aliu, paqja qoftë mbi të!, princi i të rinjve në Xhenet, borziloku i Profetit në këtë ummet, i devotshëm, zahid, këshilltar i besueshëm.

I treti është Imam Ebu Abdullah Husein ibn Ali, paqja qoftë mbi të!, princ i të rinjve në Xhenet, borziloku i Profetit në këtë ummet, i vrarë në Qerbela, ai që bëri të gjitha përpjekjet e tij për të përmirësuar gjendjen e umetit të gjyshit të tij. 

I katërti është Imam Ali ibn Husejn Zejnul-Abidin, paqja qoftë mbi të!, ai që bënte shumë sexhde.

I pesti është Imam Muhamed ibn Ali Bakiri, paqja qoftë mbi të!, i cili ishte i aftë për shkencën e të parëve dhe të fundit.

I gjashti është Imam Xhafer ibn Muhammed Sadiku, paqja qoftë mbi të!, të ngjashëm me të cilin asnjë sy nuk e ka parë, nuk e ka dëgjuar asnjë vesh, e as të merret me mend, njeriu më i ditur dhe më i arsyeshëm si në shkencë ashtu edhe në vepra të tjera. 

I shtati është Imam Musa ibn Xhafer Kazim, paqja qoftë mbi të!, pasardhës i profetësisë dhe burim i diturisë.

I teti është Imam Ali ibn Musa Rida, paqja qoftë mbi të!, ai të cilit i është dhënë urtësia në fëmijëri.

I nënti është Imam Muhamed ibn Ali Xhevad, paqja qoftë mbi të!, prijësi i bamirësisë, fisnikërisë dhe moralit të bukur.

I dhjeti është Imam Ali ibn Muhamed Hadi, paqja qoftë mbi të!, ai që ishte stolisur me virtyte dhe udhëzime të bukura.

I njëmbëdhjeti është Imam Hasan ibn Ali Askeri, paqja qoftë mbi të!, Imam i zuhdit, takvallukut dhe i ndërgjegjshëm për Zotin.

I dymbëdhjeti është Imam Muhamed ibn Hasan Mehdiu, paqja qoftë mbi të!, i cili do ta mbushë Tokën me drejtësi dhe barazi ashtu siç është mbushur tani me zullum dhe padrejtësi, pas tij do të falet Isai, i biri i Merjemes, paqja qoftë mbi të! Allahu do ta plotësojë dritën e Tij me të, dhe me të do t'i lumturoj besimtarët.

Këta janë dymbëdhjetë imamët e shiave, kështu që nëse thoni shia imamitë ose ose ithna asheri ose xhaferi, bëhet fjalë për këta imam. Asnjë grup tjetër islamik nuk e njeh Imamatin e tyre, përveç shiave. Nëse shikojmë ajetet kuranore që janë zbritur për ta, do të ndriçohet vlera, pozita e tyre e nderuar, origjina e tyre, pastërtia dhe lartësia e tyre. Të tilla janë ajetet për dashurinë ndaj tyre, largimin e papastërtisë, ajeti me të cilin thirren, ajeti që flet për vlerën e tyre, pastaj ajeti që flet për sjelljen e salavateve dhe selamit dhe shumë të tjera. Nëse i shikojmë hadithet e Pejgamberit që flasin për vlerën e tyre dhe dhënien e përparësisë së tyre, atëherë për njohuritë dhe mbrojtjen e tyre nga mëkati, sigurisht që do ta pranojmë imamatin e tyre dhe se ata janë mbrojtës të Umetit nga gabimi, ndërsa rruga e tyre është rruga e vetme e udhëzimit. Do të jetë e qartë për ne se shiat janë fitimtarët, sepse ata janë kapur për litarin e fortë të Allahut dhe me lidhjen më të fortë që nuk mund të prishet, që është dashuria për ta. Ata kanë hipur në anijen e shpëtimit dhe janë të sigurt nga shkatërrimi. Kjo është arsyeja pse ne jemi edhe më të bindur se shiat imami janë ndjekës të sinqertë të Sunetit Muhamedan.

“Ti nuk je prekur nga kjo, kështu që ju hoqëm vellon, sot shikimi juaj është i mprehtë.” Qaf, 22

Zoti i Lartësuar tha të vërtetën!